Foto: Morten Aamot Kristiansen
Hartmann Schedel sitt verdskart baserte seg på kva ein visste om geografi frå antikken si tid - ny kunnskap var ikkje kommen med, mellom anna blir Sverige framstilt som ei øy. Boka er det første trykte verket der Noreg er omtala.

Stor investering

Foto: Tonje Grave
Kulturminister Trond Giske og nasjonalbibliotekar Vigdis Moe Skarstein studerer den meir enn 500 år gamle boka.

Nasjonalbiblioteket kjøpte inkunabelen da han vart lagt ut for sal hos Kunstantikvariat PAMA nyleg. Innkjøpet representerer ei stor investering for Nasjonalbiblioteket. I utgangspunktet var prisen 1,6 millionar kroner, og det harmonerer med internasjonal marknadspris. Nasjonalbiblioteket fekk likevel forhandla verket ned til 1,4 millionar, og det er ein svært god pris i høve til andre kjende selde eksemplar av same eller dårlegare kvalitet. Boka er rekna som ei av dei mest verdfulle inkunablane etter Gutenbergs bibel. Det finst ikkje kjende tilsvarande eksemplar i Noreg.

Fleire bilete frå boka finn du her.