Frå 09.00 til 12.30 fredag 7. mars innleier Nasjonalbibliotekar Vigdis Moe Skarstein om Nasjonalbibliotek sin forskingsprofil i seminaret Bibliotek- og informasjonsfagleg forsking. Ei rekkje andre sentrale innleiarar gjør òg greie for viktige vegval for bibliotek- og informasjonsfagleg forsking. Paneldebatten blir leidd av tidlegare forskingsdirektør ved Nasjonalbiblioteket, Svanhild Aabø, som no er tilbake som forskar ved Høgskolen i Oslo. Seminaret er eit samarbeid mellom ABM-utvikling og Nasjonalbiblioteket.

Parallelt med forskingsseminaret arrangerer Nasjonalbiblioteket, som har ansvar for Den norske katalogkomiteen, eit seminar om nye reglar, format og planar for katalogisering.

Frå klokka 14.30-17.45 arrangerer Nasjonalbiblioteket eit eige seminar om Nasjonalbibliotek i den digitale verda. Seminaret som blir leidd av Jon Bing, har ei rekkje sentrale foredragshaldarar frå inn- og utland.

Parallelt med dette blir seminaret Nye muligheter med WebDewey? halde. Ingebjørg Rype, Nasjonalbiblioteket og Lars Svensson, Deutsche Nationalbibliothek, held innleiingar. Seminaret blir arrangert av BIBSYS, Nasjonalbiblioteket og NKKI.

Full oversikt over alle arrangementa finst på nettsida til Det 71. norske bibliotemøte. Der ligg òg påmeldingsskjema for konferansen.