Satsing på pliktavlevering av lydopptak
Tonje Grave
Det blir stadig fleire små, uavhengige musikkprodusentar. For å sikre at alle lydopptak som er publiserte i Noreg blir tekne vare på på line med anna materiale, har Nasjonalbiblioteket derfor no gjennomført ein informasjonskampanje om pliktavlevering av lydopptak. Samtidig er mottak av lydopptak samla i Nasjonalbiblioteket sin monografiseksjon.
Foto: Morten Krogvold
Nasjonalbiblioteket har ansvaret for å samle inn alt materiale som blir publisert i Noreg. Dette gjeld òg musikk og andre lydfestingar. Produsentar av dette materialet er, i følgje pliktavleveringslova, pålagde å sende inn to eksemplar vederlagsfritt til Nasjonalbiblioteket.
Målet med pliktavleveringa er å tryggje bevaring og attfinning, no og i framtida. Avleverte lydopptak gjer vi òg tilgjengelige for dokumentasjonsarbeid, studium og forsking. Nasjonalbiblioteket formidlar òg materialet sitt gjennom utstillingar og andre kunnskaps- og kulturarrangement.
Alle nyheter ...